Coanto gustoso
e coanto chel xe bon,
dopo bagnà
e fato cusinare.
A parlo de che pesse,
che el riva da lontan,
da insima ala Nosveja
e insaporio dal mare.
Prima merlusso fresco,
ma coando el xe secà,
coà par noaltri veneti,
el deventa "bacalà".
El xe tanto conossudo,
a credo in tuto el mondo
ma la so nobiltà,
xe solo da noaltri,
da boni polentoni,
che el se la ga ciapà.
Sposando la poenta
el se ga fato un sior,
avendo par compare
on goto de vin bon.
De fato sol cussì,
risaltà la bontà
e in tute le maniere
che’l vegna cusinà,
par chi che se ne intende
e che lo ga magnà
el moto resta sempre:
"Poenta e bacalà".

Adriano De Zotti